Bergheim .dk | .be

Blog

  • It turns out I'm not average-looking after all!

    I Stumbled Upon a web site about face research: Researchers Lisa DeBruine and Ben Jones are experimental psychologists working for the University of Aberdeen. On their web site, FaceResearch.org, you can test some of the computer tools they have developed including an intriguing application which allows you to create average faces from a number of source images – or even upload your own!

    Average and non-average

    The photo above on the left shows an average-looking guy according to research done at the University of Aberdeen. The photo is not of a real person, it is simply the mathematical average of a large number of digitally combined faces. The one on the right, however, is of me.

    Same species

    The photos above show two representatives of the canine species. I argue that the difference between me and the average male human being is greater than that between a Chihuahua and a Bulldog.

  • På sauepatrulje i Fitjefjella (bilete)

    Anders ved tjørna mellom Granekupvatna

    Var med frende Anders på “sauepatrulje” i Fitjefjella i tjukk skodde no på Søndag. Hadde med fiskestang og fotoapparat, resultat: 0 fisk og 50+ bilete. Rusa på fiskelukka i Måsedalen to dagar før let eg likevel ikkje dette gå inn på meg. Sjå album her.

  • På fisketur i Måsedalen

    Ove går på vatnet

    Eg og frende Ove Drageset avla vår årlege vitjing i Måsedalen denne helga og ein biletserie frå turen er lagt ut i galleriet. Vepna med både fiskekort og lovleg leigd båt fiska vi for fyrste gong med (skikkeleg) reint samvit i Måsedalen. Det kjendest underleg – men gav godt resultat: 70 fiskar på tre og ein halv time.

    Ovanfor: Ove går på Måsedalsvatnet etter ei nærast religiøs fiskeøkt

  • Hjort på Kleiva: ein som lever farleg i haust

    Hjort på Kleiva

    Denne hjorten stod uforstyrra og åt i hagen heime på Kleiva i dag ettermiddag. Om han ikkje lærer seg at ikkje alle menneske ynskjer han godt innan ein månad eller to, spøkjer det for om han kjem til å oppleve ein “betre vår eingong” som det heiter i songen. Sjå også: Rein på Labakken

  • Telefonkatalogen og Firefox

    Skjermdump frå Enrio sitt kontaktskjema

    Etter å ha prøvd talrike gonger å få endra ei oppføring i Telefonkatalogen via noko så passande som telefonen freista eg i dag “kontakt oss” tenesta på nettsidene til Eniro.

    Eg nytta Mozilla Firefox 2.0.0.6 og alt virka som det skulle – fram til eg freista å sende inn skjemaet når det var ferdig utfyllt. Dette er naturlegvis det mest irriterande tidspunktet eit skjema kan skjære seg på – etter at eg har fyllt ut alt.

    Eg tok meg bryet med å fylle inn noko i alle felta fram til og med ‘fakturanummer’ der eg skreiv inn ein serie nullar. Då fekk eg til alt overmål opp ei feilmelding “processing error” med to undertekstar, ein på Engelsk og ein på Tysk med litt ulikt innhald.

    Eg skifta til å syne sida i Internet Explorer – då fungerte det på fyrste forsøk. Det er forsåvidt hyggjeleg, men kan de ikkje berre skrive Javascript som fungerer på kryss av nettlesarar – det er då ikkje så vanskeleg. Særskilt ikkje når ein tenkjer på kor mykje pengar de nyttar på denne tenesta dykkar!

  • Håholmen etter solnedgang

    Solnedgang ved Håholmen

    Bilete teke ein sein kveldstime fredag 3. August 2007 på Håholmen ved Averøya.

  • Iannis Xenakis og eg fann ikkje tonen

    Iannis XenakisIannis Xenakis, son av Clearchos Xenakis og Photini Pavlou, vart fødd inn i den greske diasporaen på byrjinga av 1920-talet. Han var eldst av tre brør. Syskena, Cosmas og Jason vart høvesvis kunstmålar og filosofiprofessor. Faren var direktør i eit Engelskeigd import/eksport-firma og mora var pianist og snakka flytande engelsk og fransk. Historia fortel at det var mora som stod for det fyrste fatale feilgrepet: ho gav Iannis ei fløyte og oppmoda/muntra han til å studere musikk. Derifrå gjekk det berre nedover.

    Xenakis døydde i 2001, men i dei åtti åra før og fram til idag gjer han framleis skade på skuldlause folk si forståing av musikk og korsong verda over. Xenakis og eg fann ikkje tonen. Dette kan naturlegvis vere mi skuld, men Det Norske Solistkor si framføring av ein av hans “Nuits” i Aulaen på Firda Vidaregåande Skule i går kveld kan tyde på at Xenakis hadde store vanskar med å finne tonen også når han sat åleine og komponerte.

    Min vyrdnad for Det Norske Solistkor er høg (og stigande) – det er ikkje tvil om at det var eit krevjande verk å framføre og at dette vart gjort med glans – det er derimot tvil om kva tid Xenakis var fødd. 29. Mai 1921 verkar å vere det heitaste tipset på verdsveven og eg vil hermed føreslå dette som offentleg sørgjedag i Noreg.

    Kjøp alt du kan få tak i av Xenakis – og brenn det på bålet saman med kunsten til Stig Eikaas.

  • Mintgrønt og rosa!

    Pastell

    Pastellfargar – alt er liksom sagt allereie – eg veit ikkje kva meir eg kan leggje til!

  • Fakta om bryllaup

    Medan eg for nokre dagar sidan fortvila leita kringom på verdsveven i håp om å finne gode forslag til korleis ein toastmaster skulle te seg fann eg ei utømeleg kjelde til fordummande vitsar og grundig utbrukte idear.

    Som kjent kan fantasien kan sjeldan eller aldri konkurrere med røyndomen så eg byrja å leite i historiske kjelder for å finne ut litt om bryllaupstradisjonar og -skikkar som var vanlege før.

    I møtebokregisteret for formannskapa i Sogn og Fjordane hjå Fylkesarkivet i Sogn og Fjordane fann eg mellom anna at sjølvaste gullalderen for lystige bryllaup må ha vore tett før 1840:

    • I Sogndal vart det i 1839 freista oppretta ei “forening til innskrenking av overdådige bryllaup” men dei fekk ikkje stor nok oppsluttnad
    • I Gloppen vart det i 1838 og 1839 handsama tre saker om skyting, uskikk og brennevinsdrikking ved kyrkja i samband med bryllaup

    Eg fann også at dette med å gifte seg tydelegvis dreiar seg om meir enn berre kjærleik to menneske imellom. Det er eit relativt komplisert lovverk som regulerar det heile der berre 5 paragrafar omhandlar sjølve ekteskapsinngåinga medan dei øvrige 94 omhandlar rettar partane imellom med vekt på kva tida etter eksteskapsoppløysinga.

    • Dei 10 boda som dekkjer framferd innan alle samfunnsområde er på 77 ord
    • Grunnlova av 1814 som enno har sin eigen fridag er på 7 560 ord
    • Lov om ekteskap av 1993 er på heile 12 133 ord og regulerar – så langt eg kan sjå – alt så nær som sjølve kjærleiken

  • Gloppen Musikkfest 2007

    are.jpgMin gamle frende og svirebror Are Frode Søholt tok for fire fem år sidan initativet til ein festival for kammermusikk i heimbygda vår Gloppen. Dette var ikkje nokon enkel idé å kome på – sjølv om det er betydeleg lettare å tenkje den enn det må ha vore å realisere den.

    Are Frode har altså lukkast med begge deler og kan i år by på ei veke med meisterkurs, åtte konsertar og – av årsaker eg har vanskeleg for å forstå – ein fotballkamp der musikarar frå festivalen spelar mot det lokale “elitelaget” STIL.

    (Eg har vanskar med å sjå at nokon av partane kan vere tente med dette; anten vert musikarane slakta som sist – eller dei vinn – og det lokale fotballaget må legge ned aktiviteten og finne andre ting å fylle liva sine med.)

    Festivalen kan skilte med eit utmerkt program og eg reiser beinvegen til Gloppen i morgon kveld for å få med meg opningskonserten “Grieg og det Norske Solistkor”. Har også tenkt å få med meg konserten med Kristin Asbjørnsen i Breimskyrkja Laurdag kveld og kanskje nokre til. Dette blir bra!

    Link: Gloppen Musikkfest